 |
| Love Never Dies (2010) kénging Glenn Artist. |
SAJAK BAYANGKANG
: Anika Déwi
Wilujeng énjing ka sésa peuting,
ka anduk beueus nu nyampay
na sajégang popoéan
ladang gulet kalangkang
anjeun jeung sabeungkeut impi beureum
Na kieuna,
kalah kérok nyidem ririwa,
ngabibira sapanjang mangsa nu ratug
ku saban kakangen nu sakuduna teu kudu kandeg dilieukan
nganganti lian ti éta, taya gunana
Cikembang, 2023
EPITAPH
Hayang teuing jadi gawir
nu urug ngageuing batu
sugan ngulisik
saheulay simbut lukutna
maleukmeuk ningkeb kasimpé
Mun pareng jadi kamalir
rék getén ngusapan batu
sanajan pamohalan
nyipuh keusrak sapanjang tatu
tapak nu lain pupuseun waktu
rék getén ngusapan batu
sanajan pamohalan
nyipuh keusrak sapanjang tatu
tapak nu lain pupuseun waktu
Boa kasorang jadi areuy
nangkeup batu cara harita
kajeun raheut landeuh harigu
atawa tingpucunghul tetengger
nu ménta dingaranan
nangkeup batu cara harita
kajeun raheut landeuh harigu
atawa tingpucunghul tetengger
nu ménta dingaranan
; panyana bati gerentes nu samar polah
nyalégorkeun asma katineung
malah mandar jadi angin
ngaharéwos deui ka batu
nyalégorkeun asma katineung
malah mandar jadi angin
ngaharéwos deui ka batu
Nepi ka taya rusiah nu hamo kateundeun
sabada késang sapalipisan
ngurutug nyampeur cingembeng
sabada késang sapalipisan
ngurutug nyampeur cingembeng
Cikembang, 2023
LAMBAK PURNAMA
Naon nu bisa dipercaya tina ingetan
mun kimpelna psikédélik panineungan
pabuis dina haseup kasumba
nu jebul ti mangpirang lunta
Taya nu nyésa tina gulidagna dada
iwal ti sarah carita sapalidan
nu nyurahan hikmahna caah
jeung taringgulna batu walungan
Sedeng simpéna,
tilem na angkeuhan muhara soca salira
laju sasab kasarung sagara
hirup urang
iwal ti sarah carita sapalidan
nu nyurahan hikmahna caah
jeung taringgulna batu walungan
Sedeng simpéna,
tilem na angkeuhan muhara soca salira
laju sasab kasarung sagara
hirup urang
Mun seug motah lambak purnama
sok rajeun dingaranan cinta
sok rajeun dingaranan cinta
2017–2023
SAGÉDÉNGEUN JANARI LEUTIK
SAGÉDÉNGEUN JANARI LEUTIK
Bulan nikel na juru séng
nu nyunghid tungtung Rayagung
golombrang golombréng
diganggawing angin pakidulan
geuing Ki Tarhim dumadak combrék
basa cangra nigas jandéla
Si bungsu nalaktak ngaprak ranjang
memerik impian
nu teu pisan katéwak,
kapiheulaan ku sakétap létah cakcak
nu ngadodoho satukangeun jam
memerik impian
nu teu pisan katéwak,
kapiheulaan ku sakétap létah cakcak
nu ngadodoho satukangeun jam
Sedeng luhureun méja
kalénder teu reureuh majeujeutkeun ramatna:
rupa-rupa kaduhung jeung sagala
nu geus ngajadi hikmah
kalénder teu reureuh majeujeutkeun ramatna:
rupa-rupa kaduhung jeung sagala
nu geus ngajadi hikmah
Lakadalah, mun leukeun dipulut
udar gudawang
udar gudawang
Cikembang, 2020
SURAT KEUR JURIG
Keur naon nyidem wirahma mun ahirna tingjalentréng, paralak hujan na teuteup anjeun.
Naon nu hamo dikanyahokeun mun séah pabaru horéng guligah jampé ti jihat kakangen;
murudulkeun réwu kukupu nu ngaleut mindah usum ti mamareng haté kuring ka dangdangrat haté anjeun.
Boa kitu sabalikna? Iber nu angger. Cinta nu éta. Saméméh girimis ngeprul nuturkeun simpé, nitir ngarampé sapanjang pajaratan nu geus nyampurnakeun–sakali deui tapak-tapak urang.
Naha cinta bet jadi kecap nu pohara poksangna keur urang nu miara kemba? Atawa banget ku éra. Atawa sieun teu kurup ku lahaola.
Ah, cenah teu kudu dikedalkeun, ceuk anjeun, goib baris nyata ku mangpirang tanda. Sanajan yakin, manglaksa totondén moal cumpon ngagenténan rasa.
Kuring jeung anjeun boa teu bina, sajarak hirup jeung maotna. Cara ayeuna.
2013–2023
INSTASTORY
INSTASTORY
Nu ngabibita:
Lamunan sampurna dijieun tina burahayna lipensetip nu nyium sunset, lingerie bodas jeung lempay sampéan umyang nu nanghunjar ka saleupas laut kasumba.
Atawa slide kadua:
réréma nu ngulinkeun rambut pérang sagédéngeun ti sagelas jus warna beurang luhureun méja impian nu kérok meuntasan méga.
réréma nu ngulinkeun rambut pérang sagédéngeun ti sagelas jus warna beurang luhureun méja impian nu kérok meuntasan méga.
Mun kongang nyaliweura:
Boa sagala ised ka geuneuk satukangeun lalangsé sofléns anjeun dina kelir panon bangké lauk.
Boa sagala ised ka geuneuk satukangeun lalangsé sofléns anjeun dina kelir panon bangké lauk.
Sedeng nu langgeng ngabibira:
Gumuruh lambak antara manéh jeung manéh. Éta-éta kénéh.
Gumuruh lambak antara manéh jeung manéh. Éta-éta kénéh.
Cikembang, 2023
SHOHIBA NU'MAN, lahir di Bandung, 21 Juli 1978. Nulis dina basa Sunda jeung basa Indonesia ti taun 2009. Karya-karyana winangun sajak jeung carpon, kungsi dimuat dina sababaraha majalah jeung buku kumpulan sajak, boh citak boh digital. Sapopoéna ngajar di Pasantrén Al Fatah, Cikembang, Kabupatén Bandung.
0 Komentar