 |
| Panganten. AI Image. |
DAHANA DARANA
Jatukrami pan lain sakadar repokna jodo
Tapi dahana sing nyangking sabar darana
Andum du’a aworna doa dua kulawarga
Dahup kalbu geusan nyorang runtut raut
Andum du’a aworna doa dua kulawarga
Dahup kalbu geusan nyorang runtut raut
Oléng pangantén kayid nyorang papastén
Ijab masrahkeun hirup kabul narima hurip
Kedaling asih rék nandang bagja-tunggara
Dina beulitan ali meneng duriat langgeng
Ijab masrahkeun hirup kabul narima hurip
Kedaling asih rék nandang bagja-tunggara
Dina beulitan ali meneng duriat langgeng
Laju dijiad-dirumat simbul wawadi sawér
Dunya barana silib satincak endog-élékan
Tujuh harupat getas napsu huru tujuh sipat
Peupeus dina kendi panyétraan rasa duaan
Dunya barana silib satincak endog-élékan
Tujuh harupat getas napsu huru tujuh sipat
Peupeus dina kendi panyétraan rasa duaan
Huap lingkung siloka sakasuka-sakapeurih
Sungkeman raga sasmita dijurung ludeung
Paheut mondah ngijing sila pasang subaya
Gumati papasangan méméh nyanding pati
Sungkeman raga sasmita dijurung ludeung
Paheut mondah ngijing sila pasang subaya
Gumati papasangan méméh nyanding pati
2017
JISIM JIRIM
JISIM JIRIM
Nu leuwih luhur batan lamuk gunung
Nu leuwih lega batan ngeplak sagara
Éstu kanyaah indung nu taya tungtung
Wisit nyulumun bumi nyalisib langit
Nu leuwih lega batan ngeplak sagara
Éstu kanyaah indung nu taya tungtung
Wisit nyulumun bumi nyalisib langit
Rekés du’a lir hawa ngahirupan raga
Sumulusup-sumarambah lelembutan
Ahung rahayu lir cai ngahuripan jiwa
Ngaburial ti séké haté ka muara rasa
Sumulusup-sumarambah lelembutan
Ahung rahayu lir cai ngahuripan jiwa
Ngaburial ti séké haté ka muara rasa
Indung tandon lalakon tumbal nyawa
Wingit ucap-usap langgeng marengan
Saban nawajuh jucung ngajiad tékad
Saban anak kaliasan tur kalémpohan
Wingit ucap-usap langgeng marengan
Saban nawajuh jucung ngajiad tékad
Saban anak kaliasan tur kalémpohan
Kaasih dijisimkeun cahaya matapoé
Nyaangan bulungbung pangumbaraan
Kahéman dijirimkeun keclak cihujan
Maseuhan balungbang pangreureuhan
Nyaangan bulungbung pangumbaraan
Kahéman dijirimkeun keclak cihujan
Maseuhan balungbang pangreureuhan
2017
SATANGTUNG KAWUNG
SATANGTUNG KAWUNG
Tungkul ka waktu tanggah ka sadapan
Na pentrang beurang lodong ngoléang
Suku nu ngari pangpung nécéan kadar
Nanggeuh sigay sanyawa saraga badan
Na pentrang beurang lodong ngoléang
Suku nu ngari pangpung nécéan kadar
Nanggeuh sigay sanyawa saraga badan
Satangtung kawung sawujud kaliwung
Pinasti rapuh ropoh ku ripuh kakolotan
Ninggur umur sarénghap sahanju hirup
Ragas rasa saban saat pagasan harepan
Pinasti rapuh ropoh ku ripuh kakolotan
Ninggur umur sarénghap sahanju hirup
Ragas rasa saban saat pagasan harepan
Nu disadap téh saukur garingna batin
Nyukrah lahang kalah garajag késang
Diguis jeung diganduan katunggaraan
Na bonjor lalakon sésa peueut tineung
Nyukrah lahang kalah garajag késang
Diguis jeung diganduan katunggaraan
Na bonjor lalakon sésa peueut tineung
Injuk sakakab kurup caruluk saruntuy
Kari kalangkang na angar implengan
Iga nganyéré kurup awak ngabaralak
Satangtung panyadap sakujur tunggul
Kari kalangkang na angar implengan
Iga nganyéré kurup awak ngabaralak
Satangtung panyadap sakujur tunggul
2017
KELANG MATAHOLANG
KELANG MATAHOLANG
Teu weléh ngipuk sugan jeung sugan
Ngajam binih ayeuna ngabeuti isukan
Najan nu nyésa kari késang lilintungan
Sapalintang rasa sagalengan panandasa
Ngajam binih ayeuna ngabeuti isukan
Najan nu nyésa kari késang lilintungan
Sapalintang rasa sagalengan panandasa
Lawas mondah baha narah aral subaha
Majar sageuy misil teu ngamilik hasil
Reumbeuy undeureun reumbay alaeun
Tapi bukti tina mukti kari limpud daki
Majar sageuy misil teu ngamilik hasil
Reumbeuy undeureun reumbay alaeun
Tapi bukti tina mukti kari limpud daki
Teu kalis ngaseuk muga jeung muga
Mikarep mataholang renung nyirung
Tapi turus umur ukur pangrambatan
Areuy kayakinan nu terus ngalakay
Mikarep mataholang renung nyirung
Tapi turus umur ukur pangrambatan
Areuy kayakinan nu terus ngalakay
Ditungkul usum na baeu jeung sumuh
Naon deui nu baris didagoan harepan
Nu beleger tina bolégér taneuh buligir
Kelang nasib mulintang angin garing
Naon deui nu baris didagoan harepan
Nu beleger tina bolégér taneuh buligir
Kelang nasib mulintang angin garing
2017
HANJUANG SIANG
HANJUANG SIANG
Ciri lahir pelak hanjuang di pakarangan
Batur tali ari-ari jero pendil nu diruang
Puput milandes nu ngandung-ngayuga
Puseur mideuheus tangkeupan sarakan
Batur tali ari-ari jero pendil nu diruang
Puput milandes nu ngandung-ngayuga
Puseur mideuheus tangkeupan sarakan
Mihirup naas-jaya tuwuh saraga-sajiwa
Hanjuang laju mulas kadar ngelir nasib
Na kalang wenang na keleng langgeng
Antara barungsinang jeung bungangang
Hanjuang laju mulas kadar ngelir nasib
Na kalang wenang na keleng langgeng
Antara barungsinang jeung bungangang
Mihurip nyirung-mugur nungtung umur
Hanjuang ngajurung-mapag lalampahan
Bral mun indit masing tigin kayakinan
Yap mun balik masing rébo kaluhungan
Hanjuang ngajurung-mapag lalampahan
Bral mun indit masing tigin kayakinan
Yap mun balik masing rébo kaluhungan
Ciri tilar tanceb hanjuang di pakuburan
Tetengger sirnaning sabugang-sajugang
Nu indit nu balik ngampih ka nu mimiti
Sagalana urang tunda di hanjuang siang
Tetengger sirnaning sabugang-sajugang
Nu indit nu balik ngampih ka nu mimiti
Sagalana urang tunda di hanjuang siang
2017
PANCAKA MURKA
PANCAKA MURKA
Naha mokaha ngabanda sipating langit
Humayua rasa ngajaul ngawasa mangsa
Nu dipilana kapan kabéh kateuwalakaya
Asal ti bumi baris mulang deui ka bumi
Humayua rasa ngajaul ngawasa mangsa
Nu dipilana kapan kabéh kateuwalakaya
Asal ti bumi baris mulang deui ka bumi
Kilangbara ngawedi asih ngabanyu laku
Kalah nyacampah darma nyupata karma
Raga ngalagar tangar jiwa wateking geni
Salilana ngahuru napsu mancaka murka
Kalah nyacampah darma nyupata karma
Raga ngalagar tangar jiwa wateking geni
Salilana ngahuru napsu mancaka murka
Mungpang kadar mangpung ngaberung
Mangpang-meungpeung mahala sagala
Antara langit-bumi watesna sajorélatan
Mungkir takdir saéstuna diri midalit pati
Mangpang-meungpeung mahala sagala
Antara langit-bumi watesna sajorélatan
Mungkir takdir saéstuna diri midalit pati
Nu nyésa saukur rénghap saronghéapan
Dina rahuh hanju napas panganggeusan
Nu dipiangkeuh baris balik kana taneuh
Ngujur umur ajur diurugan lemah kubur
Dina rahuh hanju napas panganggeusan
Nu dipiangkeuh baris balik kana taneuh
Ngujur umur ajur diurugan lemah kubur
2019
ARI ANDRIANSYAH, lahir di Arjasari taun 1988. Red Army, striker di Cacandran.com. Nulis pangpangna dina wangun sajak jeung carpon. Dimuat dina Manglé, Cupumanik, Tribun Jabar, jeung Pikiran Rakyat. Kungsi dilélér hadiah sastra LBSS. Bukuna anu geus medal nyaéta kumpulan sajak Léngkah (2016) jeung kumpulan fiksimini Hégak (2017). Sapopoéna mancén gawé jadi guru basa Sunda di SMAN Jatinangor. Matuh di Tanjungsari.
0 Komentar