 |
| Heulang. AI Image. |
RUBAIYAT
Ziyad
Ziyad
Ramo-ramo kawung noélan layung, ditungtun angin antaré
Salambar daun muguran, jadi panineungan dina haté
Sabot anteng ngagambar burit, naon deui nu baris digurit
Sabada langit ukur kasimpé, sabada langit ukur kasimpé?
Paul umyang nu némbongan, bet ulat kingkin nu kasawang
Lir rasa gumbira tina mangpirang tatu nu gudawang
Tatu anjeun, tatu urang, nu maneuh jeung galeuh kadeudeuh
Sapanjang jalan nu disorang, sapanjang ringkang kumalangkang
Salambar daun muguran, jadi panineungan dina haté
Sabot anteng ngagambar burit, naon deui nu baris digurit
Sabada langit ukur kasimpé, sabada langit ukur kasimpé?
Paul umyang nu némbongan, bet ulat kingkin nu kasawang
Lir rasa gumbira tina mangpirang tatu nu gudawang
Tatu anjeun, tatu urang, nu maneuh jeung galeuh kadeudeuh
Sapanjang jalan nu disorang, sapanjang ringkang kumalangkang
2017
IJÉN 1
Aya nu haben ngaragameneng
bari ngeukeuweuk jajantung
nu kerep ku keteg kakeueung:
lalaki jejerih ti juritan
nu langgeng ku pangperangan
bari ngeukeuweuk jajantung
nu kerep ku keteg kakeueung:
lalaki jejerih ti juritan
nu langgeng ku pangperangan
Kasoran awak digjaya, sanggeus leuseuh
ngayonan musuh nu hamo perlaya
Awaking lalanang mangpirang tapak panarajang
nu ngagedat dina rorompang pedang
Dina dada nu gudawang
ngayonan musuh nu hamo perlaya
Awaking lalanang mangpirang tapak panarajang
nu ngagedat dina rorompang pedang
Dina dada nu gudawang
2013
IJÉN 2
IJÉN 2
Ka dieu aing ngudag séah angin
Ka dieu aing muru puseuring kingkin
Langit nu muih na lelembutan
Bulan tumpur na embun-embunan
Ka dieu aing muru puseuring kingkin
Langit nu muih na lelembutan
Bulan tumpur na embun-embunan
Geus saat cimata dina ati
Dipeureut kana ruas awi
Ngagebur oncor wawanén
Nyebrut nempuh jalan mongkléng
Dipeureut kana ruas awi
Ngagebur oncor wawanén
Nyebrut nempuh jalan mongkléng
Ka dieu aing rék nutugkeun tunggara
Ka dieu aing rék nganteurkeun nyawa
Sakabéhna hamo aya nu dikeukeuhan
Najan sakeclak getih panungtungan
Ka dieu aing rék nganteurkeun nyawa
Sakabéhna hamo aya nu dikeukeuhan
Najan sakeclak getih panungtungan
2018
NYA RÉK KUMAHA AING NGIGAMA
Pilkada Jakarta
NYA RÉK KUMAHA AING NGIGAMA
Pilkada Jakarta
Nya rék kumaha aing ngigama
mun Islam aing nu ngan sakieu-kieuna
geus pada ngapling
ku nu umangkeuh pangbenerna?
mun Islam aing nu ngan sakieu-kieuna
geus pada ngapling
ku nu umangkeuh pangbenerna?
Nya kudu kumaha aing ngigama
mun iman aing nu ngan sakieu-kieuna
geus pada nyebut kupur
ku nu ngarasa pangtakwana?
mun iman aing nu ngan sakieu-kieuna
geus pada nyebut kupur
ku nu ngarasa pangtakwana?
Majar aing can meunang hidayah
Nya ka mana nyukcruk uswatun hasanah
mun satincak saparipolah
teu weléh dihukuman dolalah?
Nya ka mana nyukcruk uswatun hasanah
mun satincak saparipolah
teu weléh dihukuman dolalah?
Majar biwir bismillahi rohman rohim,
tapi naha bentik curuk nyebut sasar
najan sarua pada-pada muslim?
tapi naha bentik curuk nyebut sasar
najan sarua pada-pada muslim?
Nya rék kumaha aing ngigama
mun Allah jeung Muhammadna
geus teu ngaboga-boga?
mun Allah jeung Muhammadna
geus teu ngaboga-boga?
Kudu ka masjid mana aing indit?
Masjid mana nu bakal ihlas narima,
mun hiji mangsa aing jadi mayit?
Masjid mana nu bakal ihlas narima,
mun hiji mangsa aing jadi mayit?
2017
SABADA HUJAN
SABADA HUJAN
Sabot mulungan dangdaunan nu maluguran
Bet asa ngumpulkeun deui lambar demi lambar
Rambut salira, nu kakantun dina ubin kamar
Bet asa ngumpulkeun deui lambar demi lambar
Rambut salira, nu kakantun dina ubin kamar
Di dieu, langit nu ceudeum angger pengkuh
Nyidem rusiah: ka mana salira miang, jeung
Rék ka mana awaking lunta
Nyidem rusiah: ka mana salira miang, jeung
Rék ka mana awaking lunta
2014
LUGIENA DE, lahir di Bandung taun 1983. Barcelonista, kiper di cacandran.com. Nulis dina basa Sunda jeung basa Indonesia. Anu ditulisna samakbruk, ti mimiti carpon, artikel, puisi, naskah drama, tug ka buku pangajaran. Tilu kali dilélér hadiah LBSS (2006, 2013, 2022). Bukuna anu geus medal kumpulan carpon Jeruk (2016). Ayeuna ngajar basa Sunda di SMPN Satu Atap Tamansari, Cibugel, Sumedang. Ari matuh di Kacamatan Selaawi, Garut.
0 Komentar