 |
| Hujan di Pasawahan. AI Image. |
NGANJANG KA PUSEURING PEUTING
anjeun jeung kuring
silih ayunkeun kahayang
sabot nganjang ka puseuring peuting
sabot nganjang ka puseuring peuting
nyambung paguneman panjang
kuring jeung anjeun
tepung lain pédah leukeun
pan kuring nu mindeng ngumaha
tamada réa kurangna
tepung lain pédah leukeun
pan kuring nu mindeng ngumaha
tamada réa kurangna
anjeun nu teu weléh soméah
muka lawang-lawang cahaya
nyambat ku galindeng pangbagéa
muka lawang-lawang cahaya
nyambat ku galindeng pangbagéa
kuring nu geus teu mangrupa
ridu ku réa paménta
masrahkeun sapuratina
ridu ku réa paménta
masrahkeun sapuratina
2026
HUJAN RAAT TABUH OPAT
HUJAN RAAT TABUH OPAT
hujan raat tabuh opat
tapi aya nu masih nunggu isarah
saméméh girimis sirna sakabéhna
di rohang-rohang waktu nu maruka
tapi aya nu masih nunggu isarah
saméméh girimis sirna sakabéhna
di rohang-rohang waktu nu maruka
sareupna ngalamuk di satukangeun
tumpukan jam, hunyudan jarum-jarumna
reureuh dina titimangsa, nu mungkas
mangratus sajak sungkawa
tumpukan jam, hunyudan jarum-jarumna
reureuh dina titimangsa, nu mungkas
mangratus sajak sungkawa
sésa bulan masieup komarana
di langit lian nu masih wening
tina panggunasika ungkara cinta
di langit lian nu masih wening
tina panggunasika ungkara cinta
lebah régol nu nyambungkeun
dua jalan nu méméhna pasalia
sageugeus béntang mugurkeun kelétna
dua jalan nu méméhna pasalia
sageugeus béntang mugurkeun kelétna
2026
DI JURU KAFÉ
DI JURU KAFÉ
soré, tasik ngan salega méja
di juru kafé tempat manéhna ngaregepkeun
sapada kasono, di antara komposisi jazz
jeung sagelas americano
di juru kafé tempat manéhna ngaregepkeun
sapada kasono, di antara komposisi jazz
jeung sagelas americano
gambaran kasugemaan kasampeur sabot aleum
madakeun girimis kana mamanis wirahma
marengan imut nu ngalalar di antara patalimarga
na saleunjeur jalan tarumanagara
madakeun girimis kana mamanis wirahma
marengan imut nu ngalalar di antara patalimarga
na saleunjeur jalan tarumanagara
tasik tempat pangulinan pikir, dina tingtrimna
aya gupay nu ngahaja teu sina ingkah
nu kalan-kalan jadi sungapan kaguligah
aya gupay nu ngahaja teu sina ingkah
nu kalan-kalan jadi sungapan kaguligah
tapi di dinya ayana kaéndahan, nu diraksa
ku batin nu tigin kana ringkangna, ngubur céda
ku kasabaran nu nyampurnakeun asihna
ku batin nu tigin kana ringkangna, ngubur céda
ku kasabaran nu nyampurnakeun asihna
2026
SAMÉMÉH PARAT DI GARIS AHIR
SAMÉMÉH PARAT DI GARIS AHIR
saméméh parat di garis ahir, miharep
masih aya luang pikeun ngaleumpangkeun
kateuneung, meunang nginjeum ti nu melang
nu milu merenahkeun tuduh jalan
masih aya luang pikeun ngaleumpangkeun
kateuneung, meunang nginjeum ti nu melang
nu milu merenahkeun tuduh jalan
nu sakapeung jadi leuweung geledegan
tempat nyawa kumareumbing muru genclang
panyawangan, nyiar sapisarateun galeuh
ngalelebah panyirnaan katugenah
tempat nyawa kumareumbing muru genclang
panyawangan, nyiar sapisarateun galeuh
ngalelebah panyirnaan katugenah
jalan nu ledeg ku karep hayang reureuh
tepung-gelang na pangrasa
asa-asa geus tepi kana wayahna
tepung-gelang na pangrasa
asa-asa geus tepi kana wayahna
singhoréng nu geus asa jeung jiga
tambuh laku na déja vu, rasa aing
geus manjing sagala-galana
tambuh laku na déja vu, rasa aing
geus manjing sagala-galana
2026
LALAKI NU DIJUBAH HUJAN
LALAKI NU DIJUBAH HUJAN
manéhna, lalaki nu dijubah hujan
di nagri nu kaleungitan angen-angen
misono sakur balébat nu dicipta
bisa mukahkeun lalangsé dunyana
di nagri nu kaleungitan angen-angen
misono sakur balébat nu dicipta
bisa mukahkeun lalangsé dunyana
ngaliwatan gedong-gedong nu nyidem
leuweung geledegan, panonoban
mahluk tuna nu ngarasa mibanda sagalana
ngaliwatan asal muasal dirina
leuweung geledegan, panonoban
mahluk tuna nu ngarasa mibanda sagalana
ngaliwatan asal muasal dirina
sakabéh carita jadi rélif dina dingding kasimpéna
pamidangan kaguligah nu dipahat dina batu
nu ngawujud tina kabedang cintana
pamidangan kaguligah nu dipahat dina batu
nu ngawujud tina kabedang cintana
di hiji pertelon manéhna tanggah
digero ku aweuhan sora sumerah, sora batinna
nu heubeul ménta dipikawanoh
digero ku aweuhan sora sumerah, sora batinna
nu heubeul ménta dipikawanoh
2026
SARAKAN NU NGALANGKANG
SARAKAN NU NGALANGKANG
sarakan nu ngalangkang na beungeut sorangan
dilabur rupaning usum ti luareun palintangan
tapak hujan malidkeun bangké kukupu
rajah dina jangjangna jadi gerendeng kulawu
dilabur rupaning usum ti luareun palintangan
tapak hujan malidkeun bangké kukupu
rajah dina jangjangna jadi gerendeng kulawu
asar ahir, sésa katumbiri luhureun pasir
kelir layung ukur témbong di poé nu geus kalarung
lalay jeung siraru, nu pésta jeung nu jadi korban
papada hirup na huripna séwang-séwangan
kelir layung ukur témbong di poé nu geus kalarung
lalay jeung siraru, nu pésta jeung nu jadi korban
papada hirup na huripna séwang-séwangan
sarakan nu ngajurung ngukur tangtung
lumampah ngarecah léngkah, mindeng ngingetan
ku gupay pucuk janur ti lebah sintung kalapa
lumampah ngarecah léngkah, mindeng ngingetan
ku gupay pucuk janur ti lebah sintung kalapa
lapat-lapat sora ti sajeroeun eunteung
sora tina sésa peura nu can kungsi kacatetkeun
sabot nu ngalangkang jentul batu pajaratan
sora tina sésa peura nu can kungsi kacatetkeun
sabot nu ngalangkang jentul batu pajaratan
2026
Nazarudin Azhar, pangarang, dumuk di Tasikmalaya. Kumpulan sajakna nu geus medal, Ngabungbang (Geger Sunten, 2012) jeung Miang (Pustaka Jaya, 2023). Kiwari keur nataharan medalkeun kumpulan sajak anyarna.
0 Komentar