 |
| Agustusan. AI Image. |
MÉLANKOLIA AGUSTUSAN
Lalajo nu arak-arakan
Ngagotong sisingaan jeung jampana
Eusina meunang urunan
Ti rahayat nu malarat
Eusina meunang urunan
Ti rahayat nu malarat
Lalajo nu tarik tambang
Pagedé-gedé tanaga jeung tatangga
Enggeusna ngalungsar leuseuh
Ieuh hadiahna euweuh
Pagedé-gedé tanaga jeung tatangga
Enggeusna ngalungsar leuseuh
Ieuh hadiahna euweuh
Lalajo maén rebutan
Saha nu téga nincak taktak bari nété hulu batur
Tangtu nepi ka luhur
Ngalungan sésa keur nu ranghap di handap
Saha nu téga nincak taktak bari nété hulu batur
Tangtu nepi ka luhur
Ngalungan sésa keur nu ranghap di handap
Hégarmanah, 2026
MÉLANKOLIA KATIGA PANJANG
MÉLANKOLIA KATIGA PANJANG
Teu jauh tina taneuh anu ngewag
Ngagurat tapak raheut
Nyingkab ngaliglag
Ngagurat tapak raheut
Nyingkab ngaliglag
Teu jauh ti ieu diri
Tatangkalan ngangres ngageuri
Geuning enya éta téh kapeurih anjeun
Nu diinjeum tina kapeurih kuring
Dina galeng nu jukutna pérang
Anteng ngahuleng ngararasakeun
Kejem katiga panjang
Anteng ngahuleng ngararasakeun
Kejem katiga panjang
Wangunsari, 2026
MÉLANKOLIA LEMBUR HALIMUN
Neuteup haseup anu ngelun tina hateup nu disuhun
Patarenggang imah panggung. Satukangeun halimun
Nu lalambaran, témbong gelor tingsalingker lembur
Singkur. Ngeumbing lamping suku gunung
Patarenggang imah panggung. Satukangeun halimun
Nu lalambaran, témbong gelor tingsalingker lembur
Singkur. Ngeumbing lamping suku gunung
Ngalenyepan haseup nu ngaleungit diseuseup legana
Langit. Satukangeun halimun nu lalambaran, geuning
Rusiah téh langgeng milik maranéhna. Tilem-timbul
Nyidem munajat simpé nu rencep kebat ka alak paul
Langit. Satukangeun halimun nu lalambaran, geuning
Rusiah téh langgeng milik maranéhna. Tilem-timbul
Nyidem munajat simpé nu rencep kebat ka alak paul
Wangunsari, 2026
MÉLANKOLIA DIRI
MÉLANKOLIA DIRI
Dina jero taneuh
Aya nu maneuh merenahkeun manéh
Ngahirup-huripkeun harepan seug tumuwuh
Jadi tangkal keur tumungkul jadi bagal cing tawekal
Aya nu maneuh merenahkeun manéh
Ngahirup-huripkeun harepan seug tumuwuh
Jadi tangkal keur tumungkul jadi bagal cing tawekal
Dina jero taneuh
Aya akar nu salawasna janglar ihtiar
Najan katiga teuing ku panjang
Teu ngarasula luh-lah nyalahkeun wayah
Aya akar nu salawasna janglar ihtiar
Najan katiga teuing ku panjang
Teu ngarasula luh-lah nyalahkeun wayah
Dina jero ieu waruga
Ieung geuning aya aing: nu taya ras-rasan
Jeung teu payaan
Ieung geuning aya aing: nu taya ras-rasan
Jeung teu payaan
Hégarmanah, 2026
AROM HIDAYAT, lahir di Bandung Barat taun 1981. Dumuk di Cililin. Sajak-sajakna dimuat dina Manglé, Cupumanik, Kabar Priangan, Galura, jeung Galamedia. Kungsi meunang pangajén ti LBSS. Buku kumpulan sajakna Hariweusweus Leuweung Pineus (2013). Kiwari sapopoéna salian ti nulis sajak, ogé nulis rumpaka lagu jeung ngoléksi wayang golék.
0 Komentar