 |
| Rebun-Rebun. AI Image. |
MONOLOG ISUK
wilujeng énjing, hujan
bet salira langlayeuseun
ngalengis nurihan lelebna buruan
dina palipis méga
salira teu weléh ngintip katiga
nu baris nyaatan waruga
bet salira langlayeuseun
ngalengis nurihan lelebna buruan
dina palipis méga
salira teu weléh ngintip katiga
nu baris nyaatan waruga
unggal rintakan
salira nitipkeun karémpan
kana cileuncang nu nguyumbang
kana kolombéran-kolombéran
jeung walungan-walungan
nu micangcam halodo panjang
salira tangtu apal
katiga téh bakal nganjang
sabada salira reureuh
ngucuran lemah bayeungyang
tapi boa salira teu kungsi apal
di dieu kami haben nyusutan cimata
waktu nyaksian imah ajur
kabawa caah. waktu urug
ngagusur lemah pangauban
boa, salira ogé teu kungsi apal
rérés usum hujan, katiga téh ngincer
pasawahan, laju melak kapeurih
kana pepelakan.
kalan-kalan, kami ogé barebut du’a
antara hujan anu kudu datang
atawa halodo nu kudu ngetrok
dada nu gudawang
kami kalah liwung
di antara dua usum
2018
JAYAGIRI
: Franz Junghuhn
di Jayagiri, nyusur raratan salira
lir ngalukis lembur dina halimun, taya tapakna
kitu deui ngaran salira ukur natrat dina padung
jeung tugu obélisk nu ngabedega, maturan waktu
perkara lalampahan salira di kebon kina
ukur jadi carita kulawu, nu ngalumbruk
dina gundukan ingetan
taya nu nineung kana ringkangna
atawa sakadar ngawur kembang
luhureun pajaratan
di Jayagiri, niténan lalampahan salira
teu bina jeung baheula,
sepi salawasna nyalingker unggal
lampar léngkah salira
nu tilem dina hunyudan mangsa
teu bina jeung baheula,
sepi salawasna nyalingker unggal
lampar léngkah salira
nu tilem dina hunyudan mangsa
2018
ODE KEUR LEMBUR
di Lémbang
taya warta nu leuwih ngungun
batan ruruntuk lembur
nu saab jadi kekebul
batan lemah pangbalikan
nu lebuh dikeueum umur
taya warta nu leuwih ngungun
batan ruruntuk lembur
nu saab jadi kekebul
batan lemah pangbalikan
nu lebuh dikeueum umur
kuring ukur melak ingetan
dina dapuran waktu atawa
sakadar ngagambar jirim salira
dina halimun Lémbang
sangkan kakangen baal
dina embun-embunan
dina dapuran waktu atawa
sakadar ngagambar jirim salira
dina halimun Lémbang
sangkan kakangen baal
dina embun-embunan
harita kuring terus ngipuk
kalangkang salira
sugan raratanana ngarayap
kana jemplingna impénan
: ulin langlayangan di tegalan,
tuturubun di walungan,
atawa sakadar tetebakan
ngaran-ngaran patempatan
kalangkang salira
sugan raratanana ngarayap
kana jemplingna impénan
: ulin langlayangan di tegalan,
tuturubun di walungan,
atawa sakadar tetebakan
ngaran-ngaran patempatan
—tapi patempatan
sirna di buruan sorangan
di lembur
ingetan urang di kubur
dina handapeun jalan panjang
nu ngampar di pasawahan
dina langlaung sora pabrik
nu ngalun jadi musik
di Lémbang
ingetan ngeunaan lembur
mimiti leyur
ingetan ngeunaan lembur
mimiti leyur
2018
TEMBANG MASKUMAMBANG
manéhna nembang maskumambang
dipirig rintakan hujan jeung késétan kamelang
harita, angin reureuh. peuting ngudar jemplang
dina langit nu jempling
dipirig rintakan hujan jeung késétan kamelang
harita, angin reureuh. peuting ngudar jemplang
dina langit nu jempling
manéhna laju ngundeur deui sepi
nu renung dina ingetan
nyipta-nyipta kakangen jeung katineung
ngeunaan lalakon nu anggang jeung kahayang
ngeunaan lalampahan nu baris disorang
di luar
manéhna masih nembang maskumambang
reujeung abringan kamelang nu sésélékét kana
embun-embunan
manéhna masih nembang maskumambang
reujeung abringan kamelang nu sésélékét kana
embun-embunan
2018
ARIF ABDILAH, lahir di Majalengka taun 1989. Alumni Jurusan Pendidikan Bahasa Daérah UPI Bandung. Keur kuliah kungsi jadi Ketua UKM ASAS jeung Turus. Nulis sajak jeung carpon, dimuat dina majalah Cupumanik, Manglé, Pikiran Rakyat, jeung Tribun Jabar. Buku kumpulan sajakna Hujan di Pajaratan (2020). Ayeuna mancén gawé jadi guru basa Sunda di SMAN 1 Bandung. Sapopoéna ku babaturanana sok digeroan Ayih.
0 Komentar